Webcomics
Når ein er såpass mykje på datamaskina som meg (også gjennom jobben), så er det greit å ha ting ein kan gjere på når alt berre stoppar opp og det er ein tanke keisamt. Webcomics er ein av dei tinga.
Av dei eldste webcomics me kjenner til er T.H.E. som blei publisert på FTP og usenet (old-sk00l lzzm). Sidan har det komt litt lenger med tanke på teknologi, men mange striper er fortsatt dreve “frå guterommet”.
Sidan dei fleste webcomics er uavhengige av ein redaktør, har dei også litt “heftigare” humor enn dei klassiske Pondus og Dilbert-stripene. Det gjer at toleransen for død, kreft, aids og sex gjerne er litt lågare enn elles. Eg veit ikkje om nokon hugsar “dvergkasting”-stripene til Pondus som Dagbladet sensurerte? Vel, dei er ingenting mot enkelte webcomics.
Mine favorittar:
Cyanide & Happiness
Ein serie om alt mogeleg frå dumme “knock, knock”-spøkar til harselering med AIDS og kreft. Stripa som er grunnen til namnet er ei av dei beste i serien.
Order of the Stick
Nerdeserie som omhandlar ein gruppe i eit Dungeons&Dragons-rollespel. Visar konstant til urealistiske ting ved D&D, men er heilt klart ei hyllest til universet. Sjekk også ut Nerfworld på same sida.
The Perry Bible Fellowship
Syk serie. Køddar mykje med Gud og religion.
PVPOnline
Serie frå kontora til eit dataspelblad. Dilbert med dataspel. Fantastiske figurar.
Concerned
Serie frå Halflife-universet. Handlar om Gordon Frohman (nei, ikkje Freeman) og køddar mykje med karakterar frå spela.
KruttKim
Fantastisk rar, norsk serie. Er sånn at den er så dum at den går ut av skalaen på dum og landar ein plass oppe på bra.
Penny Arcade
Klassiker. Les den ikkje så mykje sjølv, men følte at den måtte vere med.
Så, kva er dine favorittwebcomics?
Liknande artiklar
- Webcomics – både andre sine og berre mine - AnbefalingarInternett
- Nytt design: Tankeprosess og skisser - GuidarRessursar
- Oppdatert: Tankesludd: Mange på nett - Internett
- Bevis på at eg byrjar å bli vaksen – 1 - MusikkNyheiter
- Til alle Googlarar der ute - Nyheiter