i lys av Tanketom.net

Trippel-V, eller “Vekas Vonbrotne Vevoppleving” er ei ny spalte der eg tek for meg ein vevstad per veke (om det er nokre som har gjort særs inntrykk) som har gjort meg småsinna. Dette kan vere på grunn av irriterande bakgrunnsmusikk ein ikkje kan slå av, eller på grunn av ting som rett og slett ikkje fungerar i alle nettlesarar. Eg startar ballet med ein eg trudde var ein ven av meg, Coca-Cola:

Eg må nemleg innrømme ein ting: Eg likar Coca-Cola. Eg har mange grunnar til kvifor eg ikkje skulle like den: Det er ei stor kapitalistisk bedrift som lever av å selje ei falsk verd der alle som drikk Cola er lukkelege, dei har gjort diverse ting rundt om i verda som ikkje er særleg solidariske, den har sukker som tilsvarar 25 sukkerbiter, og så bortetter, og så bortetter. Eg har eit tonn av grunnar til å boikotte den, men eg klarar det ikkje. Coca-Cola er rett og slett… for godt.

I den samanheng har eg set fram til den artige kampanjen der du kan få ein iTunesdownload for kvar kode du hentar ut av ei Cola-cork fordi eg vil prøve ut nettbutikken, og fordi eg faktisk kan få litt sangar eg likar, gratis… lovleg… *kremt*

…
- tanketom

Eg registrerte meg difor på nettsidene deiras, coke.no, for å kunne legge inn kodar. Joda, fungerte greit det. Flash, så ein kan vel diskutere rukarvennlegheita, men fint design. Fæl lyd da, men den kan slåast av. Eg såg den artigaste “ja/nei til nyheitsbrev”-popupen ever, by the way:

Du har tydelegvis eit enkelt valg på denne. Vere eit inneslutta, isolert gråtande emotroll i regnet, eller vere ein mann av tida, i informasjonsflyten som er oppdatert på at det siste nye av hippe, kule ting, som iPod… og sånt… Jaja, eg tek mine sjansar og svarar nei eg.

Så kjem me til alvorets time. Eg brukar jo, som kanskje kjent, Opera som min nettlesar. Eg legg inn ein kode og trykkjer på den kule handa:

Hm, jaja, så då får eg legge den inn på nytt da…:

“…”

Så du fortel meg at eg ikkje skal få den jævla koden eg nett tasta inn? Greit, så er eg kanskje ein gjerrigknark, men eg likar liksom å få det eg har betalt for (så mykje sunnmøring har eg vel fortsatt i meg). Og det var ikkje berre då dette skjedde, eg får opp koselege “OOPS!” rett som det er. Er det slik det skal vere? Skal eg måtte vere avhengig av å bruke Internet Explorer for å kunne gjennomføre ein transaksjon på coke.no? Nei, eg har for så vidt ikkje prøvd Firefox, men prinsippet er det same. Eg vil bruke den nettlesaren eg vil, ikkje den nettlesaren Coca-Cola vil. Eg er også fullt klar over at mi side ikkje er heilt korrekt i Internet Explorer, men eg er då heller ikkje selskapet som eig verdas mest kjende varemerke.

Eg meinar at i det minste større selskap skal ha sider som fungerar på flest mogeleg operativsystem, i flest mogeleg nettlesarar. Dette føyer ser inn i rekka (sjølv om det ikkje er like alvorleg) til saker som at ein ikkje kan bruke Linux til nettbanken sin.

Nei, veit du kva, Cola? Eg har berre ein ting å seie:

For å vere med i mi lille kampanje, så kan du trykkje på denne linken for å kome til “Fuck Coke”.