i lys av Tanketom.net

Tenkte eg skulle gjeninnføre Veketoppen no som eg har fått ei fast maskin eg brukar til musikk. Denne veka har vore prega av at eg har vore sjuk. Lite musikk, og mykje søvn med andre ord.

I beste NRKbeta-stil meinar eg sjølvsagt at Last.fm klassar ut Topp20-listene rett og slett fordi dei visar kva som blir høyrt på, og ikkje kva som blir kjøpt. Veketoppen er difor basert på min last.fm-liste.

Veke 42 - 14.-21.oktober

1. Tingsek - 24 gongar

Svensk melankolpop. Roleg og sart. Perfekt når du er småsjuk.

2. AC/DC - 22 gongar

Australsk rock. Om eg treng å fortelje deg kven desse er, så kan eg like godt la vere.

3. Led Zeppelin - 11 gongar

God gamaldags rock. Gjeld for øvrig same som AC/DC. Du bør ha høyrt namnet.

4. Hot Hot Heat - 10 gonger

Kanadisk indierock. Koseleg, småpussig musikk.

4. Incubus - 10 gonger

Alternativ rock. Har til dømes mykje av musikken frå Halo.

6. Red Hot Chili Peppers - 9 gonger

Funkrock. Det eldste er best, ettersom dei har blitt meir radiovennlege med åra, men fortsatt meinar eg at Stadium Arcadium er eit godt album.

7. Arctic Monkeys - 8 gonger

Brit-rockens nyaste store tilskot. Fire unge britar som absolutt er høyrverdige.

7. The Arcade Fire - 8 gonger

Blir kalla “Orchestral Rock”, men er heilt klart noko for seg sjølv. HØYR!

9. Rage Against the Machine - 7 gonger

Kommunismens musikalske fronttropp. At dei nokon sinne blei populære i USA, må vere fordi dei rett og slett er gromme!

10. Lenny Kravitz - 6 gonger

Poprock kanskje? Du har sikkert høyrt om han.

10. Fear Factory - 6 gonger

Hard rock. Trur det har gått mest i deiras coverlåt, Cars. Ellers er dei litt for harde for ein sjuk stakkar.

10. Looptroop - 6 gonger

Svensk politisk hip hop. Samarbeidar blant andre med Timbuktu. Takk for tipset, Maria

10. Modest Mouse - 6 gonger

Alternativ rock. Fjorårets album “We were Dead Before The Ship Even Sank” er veldig høyrbart. Du vil sikkert like det om du har ein forkjærleik for The Shins.