My LEGO heart, be still…
Det er enkelte augneblink eg skulle ynskje eg var liten igjen. Enkelte augneblink då eg føler for å vere ansvarslaus, utan oppgåver eller rett og slett berre vil leike med LEGO (sistnevnte gjer eg for så vidt tid om anna). I dag skulle eg ynskje eg var 12 år igjen.
Kvifor? Vel, Fjord1, min trufaste ferjeoperatør heime i Sogn, har nemleg utlyst ein konkurranse. Ein konkurranse der oppgåva er å lage ferjer av LEGO. Ein veldig god idé! Om dette er for å få eigne idéar til ferjedesign, vitast ikkje, men den store ulempa er uansett at den har ei aldersgrense. Ei øvre aldersgrense.. På 13 år..
Har ein ikkje før kjempa seg opp gjennom aldersgrensene; kriminallågalder, mopedsertifikat, sex, seglflylappen, alkohol, og så endeleg nådd 20, ein alder der ein i prinsippet kan innta, delta og overta det meste av lovlege substansar, arrangement og eigedomar, så kjem noko slikt som dette..
Pokker..
Men dei kan aldri ta tankane mine!
Hjartet i det øvste biletet er laga av Nathan Sawaya, óg kjend som The Brick Artist. Lego Green Bumps er teke av Avolore.
Liknande artiklar
- Sjå, eg meinar også noko om Blogcamp - BloggInternett
- Tankesludd: Mange på nett - Tankesludd
- links for 2009-06-22 - Surfefunn
- Simpsonize yourself! - HumorInternett
- Sideblikk: Post-apokalyptiske bilar - Film