Facebook == Outlook 2
Per Edgar Kokkvold likar ikkje at journalistar har vener. Det er jo forståeleg i seg sjølv. Journalistar er jo sleipt avskum som utnytter alle rundt seg til eiga vinning. Dei simpelthen elskar jo å dra folk ned i søla.. Alle saman..
Aller først kan eg kanskje nevne kven Per Edgar er. Det er greit å vite kvifor han har ei viss tyngde i den norske mediaverda (han er omtrent i pensum på media og kommunikasjon). Herr Kokkvold er generalsekretær i Norsk Presseforbund, som i følge seg sjølv er eit “fellesorgan for norske massemedier i etiske og redaksjonelt faglige spørsmål”. Altså er det dei som bestemmer kven som har gått over streken når det gjeld presse-etiske spørsmål.
Men tilbake til saka! Per Edgar gjekk i forrige veke ut og fortvilte over Sør-Trøndelag sin fylkesordførar som hadde 5 (ja, 5, ikkje 10) journalistar på “Friends”-lista si på Facebook. Det som er greit med litt middelaldrende menn, er at dei ofte tek ting litt for bokstaveleg. Ein ven er ikkje alltid ein ven. Eg har for augneblinken 107 vener på Facebook. Dei fleste er folk eg vil karakterisere som vener, eller i alle fall godt bekjente, men eg har også redaktøren i ITavisen. Ikkje akkurat ein nært bekjent, sjølv om eg “kjenner” han via kudos.no.
Det blei slått opp i “de store, seriøse aviser” her om dagen, at John Christian Elden var “venn” med glamourmodellane Aylar (eller eks-glam da, uansett) og Triana Iglesias. Trur du ikkje at dei er i vennelista hans fordi han har representert dei i saker i retten? Eller trur du dei heng på byen kvar helg, medan dei nippar sjampanje og et kirsebær saman? Sjølv om Elden sikkert ønsker den siste, trur eg først og fremst det er den første. Han hadde dei begge i adresseboka si vil eg tru?
Når ein skal finne “vener” på Facebook, så søker ein gjennom adresseboka til mailen sin. Slik blir Facebook omtrent som ei adressebok i den forstand.. Ei utvida, sjølvoppdaterande (takk, Cavey) adressebok.. med intern mail og kalender.. og fyllebileter..
Liknande artiklar
- @Kinosyndromet på µblogging - Internett
- Dagbladet twitrar - Internett
- Kvasir sitt nøkkelhol - HumorInternett
- No story lives, unless someone wants to listen - Litteratur
- Vi roter i våre arkiver: Ein hardtslåande tittel - Tekstar