i lys av Tanketom.net

Ja, du las riktig. Og du las det her først. Med mindre du er ein ivrig lesar på hardcore anti-new world order-wiki’s da…

Neida, eg lyg ikkje. Samanhengsfangaren xiandos, som i følge seg sjølv kun har som agenda å “å publisere så mye sann og viktig informasjon som mulig gratis og fritt tilgjengelig for allmennheten.”

I følge han er Natur og Ungdom altså “secretly Illuminati terrorist”. Og kvifor? Jo, fordi dei har trekanta menylistepunkt i menyen på nettsida si sjølvsagt! Djevlesymbolikk! Nei, eg tullar ikkje. Det er akkurat det han skriv.

Ein skulle tru at han var litt betre til sinns mot ein ungdomsorganisasjon som er misfornøgd med Jensemann og resten av Arbeiderpartiet. Kvifor eg trur det? Jo, fordi det “sosialdemokratiske” Arbeidarpartiet sitt tyske motstykke blei leia av ein “talentlaus målar” med bart ein gang på 40-talet.. Og den einaste direkte samanlikninga? Wait for it.. Waaait for it.. Joda, Arbeiderpartirosa er ein illuminatitrekant oppned og litt på skrå..

Sjølv om eg reint politisk sett er heller ueinig med Frp, så meinar eg fortsatt ikkje at ideologien deiras er tyranni. Eg tykkjer også at det er artig at “Oslo FpU” står som ein heil organisasjon med tilknyting til nazisme.

Venstre derimot, ser han ut til å ha eit godt auge til, det er det einaste partiet han reellt sett ikkje skriv noko gale om (For så vidt den einaste artikkelen eg hittil har funne utan skrivefeil). Dei er faktisk sosialliberalistar midt inni Stortinget, “Norge sitt ett-parti-system sitt ansikt utad, for å gi en illusjon av frihet”.

Sjølv om eg ofte er tilbøyeleg til å ikkje alltid tru det folk skriv, viser og fortel me har skjedd, så er eg langt frå like skeptisk som dette. Her er det snakk om at gull er alt som er dekt med gyllent satanstøv altså.

På den andre sida.. eg er jo medlem i NU, så det kan jo vere at eg berre prøvar å dekkje over terroraksjonane våre.. Eg meinar.. Illuminati = opplyse.. Heile sida mi er i lampeskin.. Egads! Ein samaheng! På den andre sida trur eg me kan avkrefte det. Eg meinar.. Eg har jo firkanta listepunkt!

Eg anbefalar deg å lese fleire av artiklane hans, det er mykje god underhaldning der.