1. desember
Og då var det i gang! Det er herved 1. desember, og etter lovnaden frå giossjulatilbake, som Mathias skreiv om ein gang før han gjorde om på heile sida si (tullingen), har eg ikkje drukke noko julebrus eller liknande før jul. Men no!
Idet eg kom heim med bussen, sprang eg til Kiwi, tok med meg to julebrus, betalte og sprang heim.
Sjølvsagt kjøpte eg også Dagbladet.. Det er jo trass alt fredag (Helg lzzm)!
Den første julebrusen tok eg nær på styrten, idet eg kom inn døra. Den raude væska, som har fargen sin frå E163* btw, flaut ned halsen min og forfriska min lettare såre hals.
Eg kjente faktisk korleis jula flomma gjennom heile meg! “Det er no jula eigentleg startar!” tenkte eg, og lo godt og lenge over dei idiotane som drikk julebrus før 1. desember. Som for eksempel meg i fjor.. Jaja, ein blir aldri for gammal til å lære!
Den andre fekk stå litt i kjølskapet medan eg las Dagbladet. Men eg lovar deg: Den var ikkje akkurat verre, sjølv om eg naut den i eit lenger tidsperspektiv, ca. 15 sekund altså.. Måtte jo rekke å ta bilete også!
Så, til alle dykk som også venta, God 1. desember!
Til alle dykk andre: “Haha, jævla idiotar!”
*Kjelde: breathing.com: E163 - Anthocyanins - Violet color matter of flowers and plants - seems safe
Liknande artiklar
- Lerumbrus - Nyheiter
- Youtube - Error 505 - BloggHumor
- Den siste månaden - Sidenyheiter
- Så mykje BIFF, så lite tid… - FilmInternett
- Songbird 0.2.5 - AnbefalingarMusikk
Sunday 16. December 2007 klokka 17:30
[...] “Snø” i lufta, handball på tv, nissar på kjøpesentera, julemarsipan i kjeften og julebrus ned strupen. Ja, du gjetta riktig, det er snart jul. Her er marsipangrisen [...]