i lys av Tanketom.net

Vil med denne lille artikkelen kome med ein hyllest til nettstaden TVTropes.org, ei av dei artigaste wiki-prosjekta eg veit om. TVTropes er ein wiki for å samle alle troper (gjengåande mønster, tema eller karakterar) i populærkulturen, og gi dei eit spiffy og interessant namn.

Resultatet - iallfall for popkulturnerdar som meg - er at eg blir sitjande kjempelenge og klikke, fordi eg kjenner meg igjen i alt som står der. XKCD har sjølvsagt referert til dette:

Det eksisterar også andre hyllestar til trope-fenomen som dette, blant anna The Grand List Of Console Role Playing Game Clichés, og South Park-episoden Simpsons Already Did It (som du blant anna kan sjå her).

Oppretta i kveld profil på radioprogrammet eg er med i – Kinosyndromet – på Twitter og kvitre.no. Og snøgt vart situasjonen attende til slik Twitter var for meg for ca. to år sidan. Skilnaden er at eg no har vanane eg har frå å vere (ca.) på 200. plass over norske tvitrarar. Og eg må innrømme at det forvirrar meg litt.

For kva skal ein gjere? Skal eg opne med å følgje alle eg trur kan vere relevante for Kinosyndromet (som td. Filmfrelst-gjengen, og diverse filmbloggar?). Skal eg følgje alle eg trur Kinosyndromet vil vere relevant for (kvitrarar eg veit er filminteresserte)? Eller skal eg berre følgje éin og éin, og late den vakse, sakte men sikkert? Forløbig har eg lagt til folk eg kjenner, folk i radioen, diverse filmfolk og endte på eit tal rundt 50.

Tankane mine for @Kinosyndromet er hovudsakleg å ha ein stad å dele filmnyheiter på, samt å gjere det litt lettare for folk å svare på konkurransane våre (som me gjerne skulle ha hatt fleire innsendte til).

Via tenesta delicious.com delar eg alle nyheiter eg føler er interessante nok. Alle desse kjem hit til bloggen min (altså Surfefunn-kategorien min). Alle ting eg deler med tagen “Kinosyndromet” blir sendt via tenesta RSSToTwitter, til Twitter (dersom du veit om ei anna teneste som er betre, og også fungerar for OMB, skriv gjerne ein kommentar).

Etter kvart som SRiB får på plass ei podcast-teneste, så vil også Kinosyndromet-sendingane bli posta. I mellomtida postar eg einskilde anmeldingar frå Facebook-gruppa vår, til Facebook.

Kva er dine tankar? Er det for mykje dersom ei automatisert RSS-teneste (ikkje berre ein link) plutseleg postar 3 linkar med interessante filmnyheiter? Blir du skeptisk når du ser at ein «organisasjon» følgjer fleire personar enn den blir fulgt? Som nettansvarleg i ein radio – som prøvar som best den kan å nå ut til folk – er eg interessert i å vite:

Korleis fungerar det optimale radioprogrammet på ein µbloggingsteneste?

Har du lyst til å vere med å påverke korleis Studentradioen i Bergen styrer sitt liv innan dei sosiale media? Skriv gjerne dine tankar under! Eg er interessert i alt av tilbakemeldingar. Personleg kan du finne meg som @tanketom på Twitter og Kvitre, og dersom du er interessert i film kan du og følgje @Kinosyndromet på Twitter og Kvitre. Takk for merksemda di

Åh, det var godt! Etter litt under eit års arbeid, mykje fram og tilbake, testing, utskifting, og så vidare er Kreativia.no endeleg lansert!

(more…)

Gamlegutta i underhaldningsbransjen har i all hovudsak gått hardt ut mot alt som heiter gratis distribusjon av det meste innan media. Men ulikt dei fleste andre, har ein gjeng gamle, grå briter no teke eit steg mot ein distribusjonsmetode som kanskje kan riste eit par grunnvoller i Hollywood?

(more…)

Skal det vere, så skal det vere!

(more…)

Jada, endå eit mem. Valkyriana har tagga meg til å skrive ned 10 ting eg glér meg til! I tillegg har eg leikt meg på Wikipedia på alvor for første gong.

(more…)

Ein gong i året får eg ut all høglydt frustrasjon på nettet. Denne dagen er 22. oktober. Denne dagen er CAPS LOCK DAY!

(more…)

Eg sit og ser over programmet til Bergen Internasjonale Filmfestival, og skjønar at eg må kapitulere. Det er rett og slett ikkje tid til alt eg vil sjå, noko som er synd.

(more…)

Eg har tidlegare hylla webcomics som eit redaktørfritt medium der “alt” er lov. No skal eg hylle eit par serier til som eg nyter med jamne mellomrom. Ellers så skriv eg litt om mine eigne prosjekt.

(more…)

I det siste har det vore mykje oppstuss i bloggosfæra rundt denne Bloggcampen, faktisk så mykje at “raudstrømpene”, “halve Ottar” og resten av sauene har byrja tanken på organisering av sitt eiget bloggmøte. Eg veit ingen har spurt meg om mi meining, men det er dette som er kos med blogging, ein kan seie det ein vil.

(more…)