i lys av Tanketom.net

Kva?

Minecraft, spelet der du gjer akkurat det det står på boksen — mining and crafting — er framleis i alfaversjon. Det vil seie at du kan få dette herlege, merkelege spelet til halv pris, fram til i morgon.

Den 20. desember går nemleg spelet inn i beta, og eg vil anbefale alle med ynskje om skaparkraft og ei litt annleis speloppleving å kjøpe seg spelet. Då kan du bygge holer i randomgenererte fjell, samle gull til å lage ein rekonstruksjon av Kheopspyramiden, lage underjordiske grisefarmar, berg- og dalbaner, og alt anna du kan kome på!

Kven?

Spelet er utvikla av svensken Markus Person — med internett-nicket Notch — og er nærast definisjonen på eit uavhengig spel, laga for det motsette av marknadskreftene. Vel er grafikken gamaldags, men det er det første spelet på lenge som har fått det til å grøsse nedover ryggen min, spesifikt då eg såg nedover ei mørk hole — fylt med mogelegheiter — og verdas skumlaste gys sneik seg ut av høgtalarane mine.

Minecraft er eit av spela der det verkeleg berre er fantasien som set grenser, og eg anbefalar det difor på det sterkaste!

Kvar?

Spelet kan kjøpast via PayPal — eg veit — på nettsida minecraft.net, der du og spelar spelet — enten via nettlesar, eller ved å laste ned spelets eigen påloggingsklient.

For ein liten smakebit på korleis din første dag i Minecraft gjerne kan vere, sjå videoen under:

Eg har tidlegare hylla webcomics som eit redaktørfritt medium der “alt” er lov. No skal eg hylle eit par serier til som eg nyter med jamne mellomrom. Ellers så skriv eg litt om mine eigne prosjekt.

(mer…)

Fem dagar er overraskande lite når du har det gøy. Når dei fem dagane i tillegg er fylt med fantastisk festivalliv, går det ikkje det spor saktare. Ja, eg har vore på Hovefestivalen. Ja, det var fantastisk.

(mer…)

Då reiste eg til Tromøya, Arendal for å innrullere meg i den store hæren av folk som vil høyre, sjå og leve litt festivalliv dei neste 5 dagane. Eg skal prøve å skrive litt kvar dag (mobil-blogging) om musikken, opplevingane og dei koselege folka frå Camp Grasnautbataljonen.

Eg “rakk” aldri å skrive ein post i år om kva eg skal sjå, men eg får ta det litt kjapt:

(mer…)

Det har no gått tre månader med eigen Mac i hus, og eg tenkte eg difor skulle dele dei eg følar var verdt å laste ned med dykk.

(mer…)

2007! Året då ingen var pusekattar! Året då alle setningar med ordet “is” gav meining, uansett følgjande språk! Året då web 2.0 dukka opp i media, og ingen like vel skjønte kva det var! Året då det verkeleg blei sett fokus på miljøet! Året då englar blei kongestoff! Året som no er omme! Eg vil her summere opp det eg likte best med 2007.

(mer…)

Må berre legge inn ei lita hylling til Jostein, månedens po(t)et i Skolekammeret. Med unntak av å skrive eit fantastisk godt dikt, har han óg fucka med “målparagrafen” i Dagbladet.

(mer…)

Vel, NRKbeta, Eg li(n)kar deg meget godt óg..

Såpass godt at eg har skrive to artiklar som du har teke i mot, faktisk.

• Om Google Presentations
• Om internett i utdanningsøyemed

Forhistoria til min nye Macbook er lang. Såpass lang at eg faktisk ikkje gidd å fortelje alt (og fordi eg då må avsløre diverse adresser og slikt). Lat meg berre seie det at TNT (bodselskapet) har eg tenkt å prøve å unngå som best eg kan i framtida (sjølv om supporttenesta deirast faktisk var veldig bra). Kort fortalt, så bomma TNT på leveringsadressa, og eg henta den sjølv frå ein butikk nedi gata her.

(mer…)

Opera, min favorittbrowser, er fylt med mange koselege funksjonar. Nokre er der frå før (særs mange faktisk), nokre kan lastast ned via plugins. Det er garantert nokon du ikkje visste om! Dette er første del i ein serie om browseren Opera.

(mer…)