Eg har tidlegare hylla webcomics som eit redaktørfritt medium der “alt” er lov. No skal eg hylle eit par serier til som eg nyter med jamne mellomrom. Ellers så skriv eg litt om mine eigne prosjekt.

XKCD

Kvifor denne ikkje var med sist er eg usikker på. Serien er så populær blant verdas nerdar at eg ikkje gidd å besøke sidan hans sjølv ein gang, eg berre sjekker Digg, der den popper opp fem minutt etter at Randall Monroe legg dei opp. Serien titulerar seg sjølv som “Ein webcomic om romanse, sarkasme, matematikk og språk”, og eg elsker den. Og nei, XKCD betyr ingenting spesielt!

Les serien her

PHD Comics

PHD er vanlegvis beteikninga på Doctor of Philosophy, også kjent som doktorgrad i filosofi (dr.philos.) her i Noreg. I denne serien står det derimot for “Piled Higher and Deeper”, og skal stå for mengda med arbeid som gjerne kan hope seg opp for ein stakkars akademi-kar (sukk..). Og det er akkurat det denne serien handlar om, ein kar som tek ei doktorgrad utan heilt å vite kvifor. Som aspirerande akademikar sjølv, så er det mykje eg kjenner meg igjen i når det gjeld situasjonar på universitetet, sjølv om eg er langt frå å begi meg inn på doktograden enda.

Les serien her

LFG

LFG, også kjent som Looking For Group, eit uttrykk brukt i MMORPG-spel når ein karakter leiter etter ei gruppe å spele quests med. Handlar om ei gruppe beståande av diverse fantasifigurar som er på eventyr i ei fantastiverd. Serien, streken og historia er bra i seg sjølv, men den onde karakteren Richard er det som verkeleg skil seg ut. Han er tvers gjennom uspiseleg ond, og er den einaste karakteren i serien som verkar å ha ei aning om at dei alle er med i ei teikneserie.

Les serien her

Questionable Content

Ah, endeleg ei serie som ikkje har ein tittel beståande av enkeltbokstavar! Litt mindre nerdete enn resten av seriane på lista, dette er meir ei slags såpeserie/ungdomsserie. Historia krinsar rundt ein kafé, dei som jobbar der, kundar og vener av desse. Mange forviklingar, mange hjartebrot og mykje humor. Særs lang serie som aldri heilt tapar seg!

Les serien her

Indexed

Har eg ikkje før forlatt nerdedømmet, så smell eg tilbake med stor kraft. Indexed er ei serie som apellerar til alle dei statistikk-horete sidene av meg. Indexed tek underfundige fenomen og lagar enkle søyler, grafar og venndiagram av dei. Enkelte av dei er som kunst å rekne.

Les serien her

Umbraco

Umbraco er ein norsk serie av MatsGull som eg har skrive om før i Donaldposten min. Eg er ein stor fan av absurd, surrealistisk humor, og Umbraco rører ved alle desse nervene i meg. Formspråket har også mykje til felles med XKCD.

Les serien her

Andre norske seriar, rett nok av varierande kvalitet, kan lesast på Nettserier.no, Noregs største side for lokale webcomics.

Mine eigne prosjekt

Den trufaste lesar har nok også lest det som er av min lettare sjølvbiografiske serie, Googlande Brilleslange. Den oppmerksomme, trufaste lesar vil også ha funne ut at serien no har hatt ein pause på nokre månader. Eg kan glede dykk med at den kjem tilbake, ironisk nok, så snart ferien min er over. Eg har eit par på lager som vil gå kvar tysdag (med forbehald) frå den 12. august.

Eg er også i tanke- og skisse-prosessen til ei alternativ superheltserie, eit lenger prosjekt. Serien heiter foreløbig “Anti-helt” og omhandlar ein superhelt som etter ei ulukke mistar kreftene sine. “Aha,” tenkjer du, “han får vel igjen kreftene på slutten!”. Nei, det gjer han ikkje, og det er litt av det som er planen. Korleis reagerer ein superhelt på å plutseleg miste alt som gjorde han til den han var? Korleis reagerer superheltvennene hans? Kva gjer ein eks-superhelt med kostymet sitt?

Som sagt, serien er foreløbig på eit tankestadium, og eg føler ikkje at teikneeigenskapane mine er heilt i par med korleis eg vil at serien skal sjå ut, men no og då spytter eg gjerne ut ei side eller ei stripe av desse for å teste kva lesarane mine tykkjer om den.















Hm? Åh, det var sant! Eg har jo ein liten “trailer” her!

I det siste har det vore mykje oppstuss i bloggosfæra rundt denne Bloggcampen, faktisk så mykje at “raudstrømpene”, “halve Ottar” og resten av sauene har byrja tanken på organisering av sitt eiget bloggmøte. Eg veit ingen har spurt meg om mi meining, men det er dette som er kos med blogging, ein kan seie det ein vil.

Greia er nemleg at bloggaren MillionEuroMan (Bjørn Kenneth Muggerud) har starta organiseringa av Oslo Bloggcamp der han (offentleg, stort sett berre) har invitert Blondinbella (du veit ho svenske? som.. nei?). Stasen kostar 1800 kroner, der buutgifter kjem i tillegg. Pluss/minus 4000 med andre ord.

Om han er ein svindlar eller ei, skal eg ikkje uttale meg om. Eg pleier å tru det beste om mennesker, og her trur eg heller at Muggerud har feilberekna publikumet sitt litt. Dette verkar på meg mest som ein målgruppebommert.

Mi erfaring med sosiale samkvem og organisasjonsmøter er dette; folk som tenkjer penger prøver gjerne å imponere folk til å kome med t.d. fine hotell, god mat, raske damer og fine biler. Og det er slik det verkar på meg når Muggerud inviterar den norske bloggosfæra til Oslo. Og det er dette som ikkje ser ut til å fungere særleg bra.

Samtidig, så har eg hatt det fantastisk artig på arrangement der eg har sove i klasserom, hatt forelesningar i skuleauditorium og satt på graset og diskutert etterpå. Kall meg gjerne ei raudstrømpe altså..

Når nokre av menneska du ynskjer å ha med på arrangementet ditt i staden byrjar tanken på sitt eiget arrangement som er billegare og meir opent, så har du problemet ditt akkurat der. Han har ikkje funne ut kva blogg-Noreg har lyst på enda. Eg trur ikkje me er klare for eit problogger-treff (det er rett og slett ikkje nok av dei), men eg trur dei er klare for sosialt samkvem seg i mellom som ikkje foregår på tastaturet. Noko mindre formelt enn mat og forelesningar på flotte hotell i Oslo, kanskje?

4000 kroner er gjerne ikkje så mykje for folk som tener mange tusen i månaden på bloggen sin (eller..), men det er gjerne det for ein student i Bergen, ein moteblogger frå Trondheim og så vidare. Probloggermiljøet i Noreg er for lite for dette trur eg, og eit knapt-eksisterande program, ein dato og ei sum pengar gjer ikkje dette betre for dei andre som ynskjer å delta.

Har du tankar rundt eit bloggtreff, legg igjen ein kommentar i posten for Virrvarr sitt drømmeprogram eller i MillionEuroMan sin forslagspost.

Ellers har Martin Bekkelund mange gode poeng rundt hendingane, Blogcampen og MillionEuroMan.

Tenkte eg skulle trekke fram kva folk søker på når dei ploppar opp i bloggen min, både gode og dårlege treff. Og ja, dette er også ei anledning for meg til å trekke fram tidlegare ting eg har skrive.

tanketom:

Kanskje inga overrasking, er nok mange som søker tanketom i staden for å skrive “.net” på slutten.

drivhuseffekten:

Kjem nok frå saka om Design Can Change er skreiv under Blog Action Day.

bruke pixelmator tanketom

Oppstod i saka om min favorittprogram til Mac. Diverre er det ikkje mykje hjelp å få i den artikkelen, men expertvillage har mykje bra Pixelator-tutorials

andreas hadsel opsvik

Namnet mitt! Mamma, slutt å google namnet mitt.

korgmøbler

IKEA-saka mi. Utan tväk!

uwe boll

Verdas dårlegaste beste regissør, Uwe Boll, har eg skrive om, ja.

sexdamer

“Diverre”, dei har eg nok ikkje skrive om.

korsakoffs syndrom

Ein permanent, mild hjerneskade som kan kome av stort inntak av alkohol og gjentekne slag mot hovudet. Oppsto gjerne hjå piratar.

block opera

Me satsar på at det er snakk om blokking av reklame i Opera, noko eg har skrive om her

webcomics

Eg skreiv om mine favorittwebcomics for ei tid tilbake. Kanskje eg skal lage ein til, snart?

min favorittbok

Eg har også skrive om mine favorittbøker

hovefestivalen

Hovefestivalen har eg skrive om fleire gonger.

katten sit i tunet når du kjem / “snakk litt med katten”

I samaheng med Hauge/Tveit-jubiléet i år skreiv eg om t-skjortene til Aasentunet.

kvasir

*grøss* Kvasir sitt nøkkelhol er skummelt.. “sure kvinnfolk” gir meg forresten framleis treff frå søkemotorane.

songbird

Songbird er ein open-source, Mozilla-basert musikkavspelar som ein kan gjere mykje gøy i.

Denne posten er forresten litt meir enn litt inspirert av Jo Christian Oterhals sin bloggpost om dei som bommar i Google.

Blæh! Det tok ca. ein halv dag, og litt banning og steiking, men eg fekk oppdatert Wordpress til slutt.

Eg klarte nemleg å slette heile mappa med alt av innstikk og anna faen, men med litt kløkt og for ein gongs skuld ein backup (In your face, Murphy!) klarte eg å stable det på beina igjen.

WP2.6 heiter Tyner (etter jazzpianisten McCoy Tyner) og inkluderar ei lita gruppe nye funksjonar. Blant desse er Wikipedia-liknande redigeringsfunksjon i postar, ein Press This-knapp som mogeleggjer blogging frå “kvarsomhelst”, ein Theme Previewer (som tidlegare kun har vore tilgjengeleg via innstikk) og mykje anna snacks.

Litt meir info straight from the horses mouth.

Har lest denne testen hjå Kristin og Martin, og tenkte eg skulle ta den sjølv også.

78% Geek

OnePlusYou Quizzes and Widgets

Forresten, Han skaut først i den opprinnelege versjonen (frå under bordet), men i den remastra versjonen frå 1997 så er det Greedo som fyrar av eit skot (og bommar) først.

Dei (veldig geekete) Star Wars-folka meinar difor at Han skaut først, men Lucas gjorde om på det for å vise at Han ikkje hadde “noko valg” enn å skyte.. Pingle-Lucas..

EDIT:

Kristin skriv også om ein test som skal fastslå hvilken type nerd ein er. Der scorte eg følgande:

Overraskande mykje på Dorky/Awkward eigentleg. Eg pleier å rekne meg som ein nerd med rimeleg gode sosiale antenner. Det var sikkert eit bestemt spørsmål som slo ut hardt.

Skuffande lite på computer-greiene, men det er vel mest fordi det eg gjer på datamaskina er “ingenting”. Eg er ikkje særleg hard på koding, anna enn den generelle webkodinga mi.

Sci-fi/Comic var derimot ganske passande.

Eg blei Highly Dorky Nerd King. Kva blei du?

Og forresten, forresten, det kjem snart postar som ikkje er memes. Eg lovar!

Ronny-Andre har tagga meg for å få vite kva slags musikk eg høyrer på i sumar.

Og det er mykje å velje i. Alt for mykje. Men eg prøvar meg like vel. Assortert sumarrock følgjer:

The Grand - Freeloader

Rock er deileg, og rock med orgel er kanskje deilegare. Denne gjengen slo beina under meg på Hulen i fjor haust, og plata suste inn i samlinga like etter. Sangen har dessutan kubjelle! Kven likar vel ikkje kubjelle!?

Youtube-link

Gluecifer - Reversed

Søte sumar i 2003. Då kjøpte eg Basement Apes, den første Gluecifer-plata mi. Av blodfansen er plata ofte sett litt ned på, men eg har stor sans for den. Og denne sangen er den beste.

Youtube-link

The Wombats - Let’s Dance To Joy Division

Har du prøvd å danse til Joy Division? Det er ikkje så lett! Wombats fekk eg med meg på Hove i år, og eg var ikkje skuffa. Faktisk meinte eg det var den beste konserten på festivalen.

Youtube-link

The Clash - Rock The Casbah

Ah! Sweet 86! Før mi tid, men det gjer ikkje Clash noko verre. “The Only Band That Matters” skuffar ikkje.

Youtube-link

Wolfmother - Joker And The Thief

Små-psykedelisk australsk rock. Du har sikkert høyrt “Woman” om du har spelt Guitar Hero, men har du plukka med deg denne? Deileg!

Youtube-link

Slik! Ganske fornøgd eigentleg. Eg la press på meg sjølv til å ha fem ulike band i tillegg, men eg tykkjer det fungerte ganske bra.

Eg bringer også tradisjonen vidare ved å tagge Maren, Marte og Trine.

Look what I can do! Eg debuterar på Youtube med ein animasjonsfilm eg lagde for nokre år sidan. Ein gong må vere den første.

Filmen blei laga i samanheng med eit vekesprosjekt i Flash-animasjon me hadde på vidaregåande. Heile prosjektet blei kroka og dregen i land på rundt 4 dagar med idéskaping, animasjon og ferdigstilling. Teikningane lir litt under dette, men eg tykkjer det barnlege uttrykket passar filmen greit. Idéen skulle eg gjerne ha stått bak, men den er laust basert på ei novelle som eg ikkje er kar om å klare å finne igjen (eg leitte etter idéar på Google utan å bookmarke.. Synd og skam..).

Vel, enjoy!

Fem dagar er overraskande lite når du har det gøy. Når dei fem dagane i tillegg er fylt med fantastisk festivalliv, går det ikkje det spor saktare. Ja, eg har vore på Hovefestivalen. Ja, det var fantastisk.

Og ja, ein god del av desse er litt interne. Men, for all del, spør i veg.

3-ords-anmeldingar

• Beck - Stilleståande, søte ballongar
• Black Kids - Vokalsterk seksmanns-indie
• Bullet For My Valentine - Nah.. Stilig moshpit
• Cavalera Conspiracy - Keisam droning (+sambatrommer)
• Chrome Hoof - Øøøh.. Eeehm.. Jazzmetalfusionfunkygalskap
• Familjen - (eg var full og eit stykke bak i telten, men det var) SKÅNSK
• Ghostland Observatory - Fantastisk telt-overrasking
• Goldfrapp - Para-Psykedelisk Postludium
• Hellacopters - Verdig avslutning, svenskefaen
• In Flames - Hardt, raskt, pyromania
• Jay-Z - Karismatisk, a capella-geni (for øvrig første hip-hop-konsert eg har vore på meg antydning til moshpit)
• Killswitch Engage - Hardcore emohatarar, morro
• MGMT - Koseleg psyk-pop
• Panic At The Disco! - Flinke, for minimalistisk
• Satyricon - Søt, sint scenemann
• The Cool Kids - Do the Smurf
• The Kooks - Naiv, småarrogant skjørtejeger-indie
• The Raconteurs - Fantastisk deileg bluesrock
• The Scaramanga Six - rockabilly, bilar, Addams-family
• The Ting Tings - Lovande, golvet døydde
• The Used - Underhaldande screamo, faktisk
• The Wombats - Hoves’ beste konsert
• Yeasayer - Funky spastic shoegazers

Ting eg skulle ynskje eg hadde gjort

• Sjekka ut meir av litteratur- og filmprogrammet
• Babyshambles - avlyst
• Bad Religion - latskap
• Band of Horses - blame it on the boogie
• Duffy - blame it on the boogie
• Flogging Molly - blame it on the boogie
• Les Savy Fav - stod og venta på Jay-Z
• Lupe Fiasco - latskap
• Gått med vassmelonhatten i offentlegheit

Ting eg skulle ynskje eg ikkje hadde gjort

• Outa meg sjølv som kattemishandler (akkurat passe brisen)
• Reve opp shortsen min bak i eit parti med heftig russisk folkedans
• Hoppa så hardt at eg øydela Kim Hiorthøy-konserten for Merete (golvet blei øydelagt på The Wombats-konserten, og alle konsertar etterpå blei avlyst)
• Peikt på ho med den skamtøffe “Moshpit 4 real”-augelappen (dog, ho syntest kanskje det var ok med merksemd)

Dei 3 beste konsertane

1. The Wombats (kvifor i all verda spelte dei i teltet?)
2. The Raconteurs (Jack White er nam)
3. Ghostland Observatory (Gal, gal, gal indianer og hans krossfararven)

Til slutt eit lite bilete av meg sjølv (som de har sett delar av før):

(Merete har også eit greit samandrag av festivalen)

Då reiste eg til Tromøya, Arendal for å innrullere meg i den store hæren av folk som vil høyre, sjå og leve litt festivalliv dei neste 5 dagane. Eg skal prøve å skrive litt kvar dag (mobil-blogging) om musikken, opplevingane og dei koselege folka frå Camp Grasnautbataljonen.

Eg “rakk” aldri å skrive ein post i år om kva eg skal sjå, men eg får ta det litt kjapt:

Babyshambles, Bad Religion, Band of Horses, Beck, Chrome Hoof, Familjen, Flogging Molly, Hellacopters, In Flames, Jay-Z, Killswitch Engage, Les Savy Fav, Lukestar, MGMT, Opeth, Panic At The Disco!, National Bank, The Raconteurs, The Wombats, Ungdomskulen, Yeasayer

(Nei, eg klarar sikkert aldri i verda å sjå alt)

Og, berre i tilfelle du lurar på kva eg høyrde på i fjor, her

I 2008 er det 100 år sidan folkemusikaren Geirr Tveit og Olav H. Hauge vart fødd, båe frå Hardanger. I den samanheng har Probat på oppdrag frå HT08 utforma nokre fantastiske t-skjorter.

Storskrytar…

Geirr Tveit sin folketone, Storskrytarviseslåtten (via knuterikjensen.com)

Her er også eit midtpunkt.

Det er den svarte prikken
midt i skiva du skal treffa,
nett den, der
skal pili stå og dirra!
Men net der treffer du ikkje.
Du er nær, nærare,
nei, ikkje nær nok.
So lyt du gå og plukka opp pilene,
gå tilbake, prøva på nytt.
Den svarte prikken tergar deg.
Til du forstår pili
som stend der og dirra:
Her er og eit midpunkt.
Olav H. Hauge

Halvferdige snømenn…

Siste linje i diktet “Skuleplassen” av Olav H. Hauge

Noko te øl

Folketonen av Geirr Tveit.

Snakk litt med katten

Katten sit
i tunet
når du kjem.
Snakk litt med katten.
Det er han som er varast i garden.
Olav H. Hauge

Alle fem er gode hyllestar til to kunstnarar som har gjort mykje godt, båe for nynorsken og for nyskaping på sine felt.

Sistnemde t-skjorte vart skaffa som bursdagsgåve i helga, og minst ei av dei fem skal skaffast til meg sjølv i løpet av ei veke. Alle kan skaffast frå Aasentunet sin nettbutikk (men då stort sett i små størrelsar).

Vil berre unnskulde Eg ber med dette om orsaking (takk, mamma) for at det har vore daudt her i nær ei veke. Dette skuldast mange faktorar, både arbeid med ferdigstilling av kreativia.no og jobb, i tillegg til andre prosjekt (nei, det er ikkje meininga at du skal skjøne koplinga) og generell sumar (sjå bileta under).

Til slutt, to vakre sumarbileter frå den vakraste dagen på Hovefestivalen i fjor.

Bilete: Andreas H.O., 2007

Bilete: Andreas H.O., 2007

Om ikkje desse får deg i sumarstemning, så veit eg ikkje kva som skal til!




Og til slutt, gratulerer med dagen til alle som føler glede over den nye ekteskapslova! Til alle homofile og lesbiske, velkomen opp kyrkjegolvet! Det var så mange andre som skreiv kloke (og mindre kloke) ord om dette at eg valgte å ikkje skrive nokon artikkel om det. Nok er nok lzzm.

Greit, greit, greit. Eg skal snart slutte med all meme-blogginga, men eg beklagar. Det er agurktid her også, men eg lovar, den ordentlege blogginga byrjar snart! Eg har blitt tagga av bergenseren Valkyriana, og skal no skrive ei liste over ord som beskriver meg, i alfabetisk rekkefølgje.

A: Andreårsstudent, Andreas

B: Brilleslange, bergenser, bassist

C: Clerks-fan

D: Distré, dialektforvirra, dagdrøymar

E: Evolusjonær

F: Fantasifull, fotografiglad, filmnerd, fritenkjar

G: Googlist, geek, graf-fetisj

H: Høgrehendt

I: Intrikat innflytter

J: Journalistwannabe

K: Kverulant, kodeløysar

L: Lesehest, lærdøl

M: Mediebetrevitar, musikk-fantast

N: Nerd, nattdyr,

O: Ordleik, Operafan

P: Partipolitisk uavhengig, politisk avhengig, pragmatiker

Q: Quot homines tot sententiae

R: Realistisk, rock’n'roll

S: Sarkastisk, Sitathore, Språkmann

T: Tanketom, tenkjar, teiknar, twilve

U: Ung, utspekulert, universitetsstudent

V: Venstrevendt

W: Webdesign, webutvikling, Web 2.0

X: X (ein Andreas-kross. Greit, eg kom ikkje på noko betre..)

Y: Youtube

Z: ZOMFG

Æ: Ærleg

Ø: Øøøøh…

Å: Åh!

Til å gjere det same så taggar eg Maren, Karin, Merete og Jostein. Såder!

Som sjølvutnevnt statistikknerd med ein sterk graf-fetisj, hadde eg veldig sansen for noko av ekstramaterialet som fulgte med då Last.fm lanserte sin “byggeplass”, Build.last.fm. Eit av resultata frå dette er programmet Last Graph

Dette programmet (som diverre berre fungerar til Windows), tek banda du høyrer på og legg det i ein graf som viser kor mykje du har høyrt på bandet, og i kva periode du høyrer på dei.

Resultatet mitt blei dette: (trykk for større versjon)

Denne grafvarianten er faktisk vakker, og fantastisk funksjonell. Du ser veldig godt lyttemønsteret mitt. Eg høyrer på veldig mange band (alle dei små strekane er band som eg ikkje høyrer nok på til at dei får sin eigen tittel, men eg har periodar då eg høyrer mykje meir på eit eller to enkeltband. No er eg til dømes inne i ein Gluecifer-periode (igjen). Eg ser også at eg ikkje høyrer så mykje på musikk som eg gjerne ville…

Mitt nick på last.fm er (overraskande nok) tanketom. Legg meg gjerne til!

Denne bloggposten blei inspirert av Lang dags ferd mot fnatt sin graferande post

Variantar av denne memen har då rast rundt om i bloggverda, og ettersom Ingrid tagga meg, så får eg vel leike med.

Eg omset denne til norsk btw, kvifor late den vere på engelsk så lenge?

Plukk opp næraste bok.
Opne den på side 123.
Finn den 5. setninga.
Skriv dei tre følgjande setningane.
Tagg fem folk du oppfordrar til å gjere det same.

Oki, I’ll have a go then! Rommet mitt er ganske ryddig for bøker, så det blir ei av dei tre bøkene som står i sengeenden av bokhylla.

Tyler told me later that he’d never seen me destroy something so completely. That night, Tyler knew he had to take fight club up a notch or shut it down. Tyler said, sitting at breakfast the next morning, “You looked like a maniac, Psycho-boy. Where did you go?”.
Chuck Palahniuk - Fight Club

Dersom du vil vite kvar “me” gjekk, så må du plukke opp boka Fight Club, som den herleg skitne filmen med same namn er basert på. Boka er endå meir skiten og jævlig, og eg anbefaler den sterkt. Tyler Durden er mykje meir bombastisk i det skrivne ord, kanskje fordi han ikkje ser ut som Brad Pitt?

Det einaste som er mykje betre i filmen, er IKEA-scena. Den tjener så mykje på det visuelle som filmen kan vise at den blir heilt fantastisk i filmversjon:

IKEA-scena frå Fight Club

Vanskeleg å finne folk som ikkje er tagga, men eg gjer eit forsøk. Mine fem er Merete (det er på tide du bloggar igjen), Mie (det er verkeleg på tide du bloggar igjen), Jostein (du må ha litt eratur i bloggen også, ikkje berre musikk), Ronny-André (mwaha, meme-attack) og Ingvild (Kva har duuuu på nattbordet, tru?).




Eg tykkjer forresten eg skal ha skryt for å skrive ei sak om Fight Club utan å ta med eit einaste bilete av Brad Pitt i naken overkropp!

Vårt arbeid har fått delvis gjennomslag! Twilve har blitt godkjent av Urban Dictionary som eit slangord. Er dette vegen mot opptak i Oxford Dictionary?

Kan nokon forresten prøve å google “twilve” for å sjå at det ikkje berre er eg som får tanketom.net sin pdf som førstetreff?. Strike that. Eg får no UD sin definisjon øvst.

Forset kampen!

Ok, kanskje ikkje fullt så stort, men det er framleis to merkedagar til ære for fantastiske fantasiar som blir feira i dag.

Day of the Jedi

I dag er det nemleg 31 år sidan A New Hope, også kjent som episode IV, kom ut. Også kalt “Day of the Jedi”, blir dagen blir feira av Star Wars-fans verda over som ein dag til ære for Star Wars-kosmoset. Dagen feirast best ved å sjå Star Wars-filmane (iallfall den originale triologien), noko eg også skreiv om for eit år sidan.

Towel Day

I tillegg er dette Towel Day, som er ei feiring av Douglas Adams sitt Hitchhikers Guide to the Galaxy-kosmos (h2g2). I h2g2-universet er handkledet, the towel, sett på som det viktigaste ein vegfarar kan ha med seg.

A towel, it says, is about the most massively useful thing an interstellar hitch hiker can have. Partly it has great practical value - you can wrap it around you for warmth as you bound across the cold moons of Jaglan Beta; you can lie on it on the brilliant marble-sanded beaches of Santraginus V, inhaling the heady sea vapours; you can sleep under it beneath the stars which shine so redly on the desert world of Kakrafoon; use it to sail a mini raft down the slow heavy river Moth; wet it for use in hand-to-hand-combat; wrap it round your head to ward off noxious fumes or to avoid the gaze of the Ravenous Bugblatter Beast of Traal (a mindboggingly stupid animal, it assumes that if you can’t see it, it can’t see you - daft as a bush, but very, very ravenous); you can wave your towel in emergencies as a distress signal, and of course dry yourself off with it if it still seems to be clean enough.
Douglas Adams

Kort sagt, særs viktig!

Til slutt, eit bilete av meg sjølv, lolcat-style som eg syntest passa godt til begge anledningane.

For andre liknande dagar, sjekk Wikipedia sin kategori, Geek holidays.